ഒരു കച്ച ഞാൻ കരുതി വച്ചിട്ടുണ്ട്;
കനിവിന് കൈനീട്ടാതെ പുതച്ചുറങ്ങുവാൻ
ഒരിറ്റു കണ്ണുനീർ കണ്കോണിൽ കരുതിയിട്ടുണ്ട്;
എന്റെ നാമം പതിഞ്ഞ അവസാന വറ്റിലേക്കിറ്റിക്കുവാൻ .
ചുവന്ന പ്രഭാതങ്ങൾ സ്വപ്നം കണ്ട
യൗവനം ഹൃദയത്തിൽ കൊളുത്തിയ
ഒരു തിരി അണയാതെ കരുതിയിട്ടുണ്ട്;
എന്റെ തലവട്ടത്തിലിത്തിരി വെട്ടം പരത്തുവാൻ...
ചിതറിയ പ്രണയത്തിലെ സ്വപ്നങ്ങൾ കൂട്ടി
ഒരു കുഞ്ഞു കുടുംബമൊരുക്കി വച്ചിട്ടുണ്ട്;
എനിക്കായ് കണ്ണീർ വാർക്കാൻ.
ഹൃദയതിലെരിയുന്ന ഒരു ചിതയിൽ
ഇനിയും എരിയാതെ ബാക്കിയുണ്ട്
വാത്സല്യം ചന്ദനഗന്ധമേകിയ ചാണകവറളികൾ;
എനിക്കായ് പട്ടടയൊരുക്കുവാൻ.
എങ്കിലും ഞാൻ കരുതാൻ മറന്നുപോയ്...
നിവർന്നൊന്നുകിടക്കുവാനൊരിടം
കനിവിന് കൈനീട്ടാതെ പുതച്ചുറങ്ങുവാൻ
ഒരിറ്റു കണ്ണുനീർ കണ്കോണിൽ കരുതിയിട്ടുണ്ട്;
എന്റെ നാമം പതിഞ്ഞ അവസാന വറ്റിലേക്കിറ്റിക്കുവാൻ .
ചുവന്ന പ്രഭാതങ്ങൾ സ്വപ്നം കണ്ട
യൗവനം ഹൃദയത്തിൽ കൊളുത്തിയ
ഒരു തിരി അണയാതെ കരുതിയിട്ടുണ്ട്;
എന്റെ തലവട്ടത്തിലിത്തിരി വെട്ടം പരത്തുവാൻ...
ചിതറിയ പ്രണയത്തിലെ സ്വപ്നങ്ങൾ കൂട്ടി
ഒരു കുഞ്ഞു കുടുംബമൊരുക്കി വച്ചിട്ടുണ്ട്;
എനിക്കായ് കണ്ണീർ വാർക്കാൻ.
ഹൃദയതിലെരിയുന്ന ഒരു ചിതയിൽ
ഇനിയും എരിയാതെ ബാക്കിയുണ്ട്
വാത്സല്യം ചന്ദനഗന്ധമേകിയ ചാണകവറളികൾ;
എനിക്കായ് പട്ടടയൊരുക്കുവാൻ.
എങ്കിലും ഞാൻ കരുതാൻ മറന്നുപോയ്...
നിവർന്നൊന്നുകിടക്കുവാനൊരിടം